單親媽媽之苦!陳秀珠爆喊:佢想知爸爸係邊個

20210711
東網電視
更多新聞短片
藝人陳秀珠為無綫節目《單對單》任嘉賓,與主持黎芷珊分享單身的自在與喜樂,她透露21年前毅然決定獨自生下兒子,但作為單親母親確實壓力不少:「要照顧個仔、工作、要靠工人姐姐,媽咪又一早走咗,所以阿仔以前成日奪命追魂Call我。」自言眼淺的她,談到近年與兒子關係有所改變,即忍不住感觸落淚:「我以為我好強,咩都可以搞掂,原來小朋友係會覺得有缺失。我問過佢係咪冇爹哋都OK?佢就話『你覺得啫!』係冇得補償。做單親媽咪要考慮好多嘢,唔可以只係諗自己,要諗小朋友。」
拒透露兒子父親身份
對於父親身份,陳秀珠指兒子小時候並不好奇,但長大後想法不同,但她依然守口如瓶:「我覺得唔需要,佢知道又點?全部冇人知(父親身份),就算係親密嘅朋友。」更指若重頭選擇,絕不會當單親媽媽,也不鼓勵人別人做。
性格爽直的她,更與芷珊分享了一個秘密:「中學畢業嗰陣,大概10幾歲,因為男朋友要去外國讀書想定落嚟,就訂咗婚,都有擺幾圍酒。仲要係我追佢,因為佢實在太靚仔喇,佢真係好好,但我唔好,我做嘢之後見到太多新嘢,所以呢段感情我係要同佢講對唔住,因為傷害得佢太緊要。」