「翻版林志玲」劉子儀擲6數投資打卡店

有「翻版林志玲」之稱的百萬網紅劉子儀（可人Kelly），今日（11日）出席網紅打卡店開幕活動，她表示自資6位數字投資開店：「因為好多地方唔畀拍攝，一係就爆滿book唔到位，所以就索性自己開間打卡店，自己有個地方拍嘢之餘又等其他網紅多個打卡位。（依家個環境作咁大投資怕唔怕回唔到本？）錢唔係最大嘅重點，最緊要大家開心，而且疫情下租金相對平啲，其實依家已經有80位會員入會，暫時充值咗15萬，相信好快回本。」

今年再度推出寫真集的她，表示會有大量泳裝打扮，她説：「我鍾意性感，但性感唔等如色情，我覺得女仔少少性感先靚，我最滿意自己腹肌。」她指暫時印製了2,000本書，但已被大量粉絲及朋友認購，亦指有粉絲表明買不到實體版亦不介意購買電子版本，她又透露書展期間會以神奇女俠打扮現身跟粉絲見面。