為Anson Lo宣傳新歌　粉絲6位數打造流動廣告車

MIRROR人氣王、「教主」Anson Lo（盧瀚霆）聲勢一時無兩，不但早前生日時獲粉絲「神徒」豪花超過50萬，出動巴士、巨型廣告牌及郵輪送祝福，即使過咗生日，宣傳攻勢依然一浪接一浪，先係買下報章A1全版廣告宣傳其新歌《不可愛教主》，近日再豪使6位數為歌曲打造流動廣告車，除印有Anson Lo靚相之餘，更在車身兩邊設有100吋LED大螢幕，不停循環播放該歌曲MV，並於未來兩星遊遍港九新界，實行全天候鋪天蓋地谷新歌，勢頭比起另一人氣王姜濤更為強勁。

而宣傳車今日（11日）已率先登陸尖沙咀，吸引大批市民圍觀及打卡拍照，未來數天將會分別到訪太古、天水圍、觀塘、沙田及旺角。