可宜抱「BB」孖未婚夫影全家福　跟傳統過大禮

索爆混血主播可宜於8月8日舉行婚禮，原本計劃一切從簡的她，昨日（11）亦跟足傳統過大禮，只見擺滿一盆盆禮品，而她同未婚夫「甲一藍神」鄭錦興心有靈犀，在未有夾過下穿上情侶裝，當見到面時大家忍不住相視而笑。除了家人有份出席外，當然不能缺少他們4個月大的「BB」西摩犬棉花糖，一家三口全家福拍照留念。

可宜坦言愈接近婚期精神壓力愈大，因為好多事仍在籌備階段，她說：「好似今次搞過大禮，已經有好多學問，例如檳榔要回番一個畀新郎哥，寓意縛住佢喎！雖然成個婚禮遇到唔少阻滯，因為疫情要被迫改期，轉頭又煩禁聚令請幾多賓客咁，有諗過不如自己人食餐飯就算，但籌傋婚禮過程中，身邊全部人都好開心，特別係我媽媽，所以真係好值得。」