呂慧儀打沙排輕鬆攔網！網民叫參加《明星運動會》

有「長腳蟹」之稱嘅2006年港姐季軍呂慧儀憑《愛．回家之開心速遞》熊若水一角入晒屋，劇集仲長拍長有，人氣有升冇跌！最近佢就拍攝有關打沙灘排球嘅戲份，穿上背心及沙灘褲盡展修長美腿及高挑身材，佢上載花絮照及片到社交網，輕輕鬆鬆攔網成功，完美靠身高取勝，網民都叫佢參加《明星運動會》，冇佢真係嘥料，又留言：「你個攔網好屈機?期待《愛．回家》有多場排球賽」、「果然係長腿彈弓?，攔網輕而易舉」！