後生仔船P番外篇　波波自爆冇咗第一次

無綫J2節目《#後生仔傾吓偈》早兩日就出海搞船P，成班主持男男女女都青春可人，當中最搶眼就有馮盈盈、戴祖儀孖實晒腿，當日仲有「無綫新咪神」黃凱儀（波波）、陳欣茵、游嘉欣、黃紫恩等偷偷鬥「胸」狠，眾女留前鬥後隔咗成個幾星期先派軍糧！

雖然大合照中，就已經睇到一班索女嘅泳照，不過今次佢哋就各自晒出近鏡靚相，簡直就係宅男嘅幸福，當中身材最勁嘅波波就自爆未去過船P，「破處」嘅佢就似乎未有展示「個人之處」，改為晒腿上陣，至於陳欣茵同黃紫恩就大方得多，佢兩個都以性感泳裝見人，當中陳欣茵就以火辣一件頭谷胸出鏡，黃紫恩就換上比堅尼加小背心，加埋佢哋個個晒腿出鏡，真係睇到網友成個人都醒晒呀～