胡鴻鈞粉絲原來唔係最Like佢歌藝:佢哋係外貌協會

2021年07月12日 14:27
東網電視
更多新聞短片
歌手胡鴻鈞(Hubert)現身新城電台為年尾頒獎禮開始拉票,同時宣布「喜訊」,指新歌《整親》於4台中奪3冠1亞佳績,其MV點擊率更超過1百萬,故日前為答謝Fans支持開視像傾偈,意外發現Fans喜歡他竟然並非因為歌藝:「大部分都係鍾意我個樣,同我一樣係外貌協會,我仲係永譽會員。(咁膚淺?)又唔係,都鍾意我啲歌嘅!」
問到最細Fans幾多歲?Hubert笑話幾年前都有2歲小粉絲,現時應該約5、6歲,即被記者打趣問是否鍾情他一個?他大方說:「冇所謂,就好似你搵另一半都係要揀。」問到是否揀定了緋聞女友蔡思貝?他抵死笑話「咩都揀緊」,再追問他有冇關心對方最近出風瘌入院?他坦承有隔空送暖:「有Message佢,可能佢最近太忙,少休息免疫系統差啲。(心痛?)任何朋友有事都擔心嘅。(煲湯畀佢囉。)佢自己搞掂㗎啦!我最近個心都唔舒服。(因為心痛佢唔舒服?)係最近狂操好攰!遲啲會有新作品。」
講回年尾頒獎禮,無綫跟四大唱片破冰後有信心冧莊再做歌王?他表示對獎項抱平常心:「百花齊放嘛!(今年想獨霸歌王?)隨緣啦!最近睇《聲夢傳奇》覺得啲學員前途無可限量,當中喜歡炎明熹把聲、唱法同個人風格。」