大叔的愛|同遊大澳啜爆Edan Anson Lo玩讓愛嗌分手

2021年07月12日 23:05
東網電視
更多新聞短片
ViuTV劇集《大叔的愛》進入結局篇,今晚阿田(Edan呂爵安)與阿牧(Anson Lo)再度上演咀戲!上回講到Edan於同事面前,拖着Anson Lo手仔「出櫃」,不過Anson Lo並未為此回應,還以工作借機離開,KK(黃德斌)見阿田與阿牧相戀,即匿埋辦公室房間獨自傷心。
德斌前妻Francesca(簡慕華)見狀,主動當德斌的戀愛顧問,指導他趁住與Edan台灣公幹,盡情發揮自己優點,誓要奪回Edan「芳心」。當德斌與Edan飛抵台灣後,二人先到攤位玩一輪,又踢波又擲飛鏢,結果贏得兩個大公仔,Edan更展現童心未泯一面,之後孖住去排檔醫肚,期間德斌幻想為Edan甜蜜抹嘴仔。
之後德斌欲以誠意打動Edan,約他到獨立屋參觀,不知原因的Edan卻被豪宅裝修吸引,並非常雀躍跳入按摩浴缸,德斌即一齊跳入缸「強攻」,肉緊捉實Edan手仔,表示唔介意做後備,但被Edan當下拒絕,及後更隔空向Anson Lo撒嬌。
Edan好不容易完成台灣之行返港,德斌強裝大方送他到碼頭,不過眼見Edan與情敵Anson Lo拍拖去大澳,傷心得在車上痛哭。另邊廂,「田牧」首次「出遊」,Anson Lo與小男友Edan闊別幾日,一見面即忍唔住主動出擊啜爆Edan,之後二人於大澳閒逛,甜甜蜜蜜互餵,又頭貼頭影合照。不過甜蜜日子似乎即將完結,於下集預告中,Anson欲成全梓芊(徐㴓喬)與Edan,竟忍痛割愛,向Edan提出分手,二人還喊到口水鼻涕齊流,真係聞者傷心聽者流淚。