驚變五角戀！Anson Lo證小儀正印之位

ViuTV劇集《大叔的愛》今個星期進入結局篇，阿牧、田田及KK仲有Darren四角戀唔知最後點揀，不過今日（13日）DJ阮小儀就差多隻腳埋去，驚變五角戀！佢突然上載同阿牧（Anson Lo）嘅合照，留言向田田（呂爵安）下戰書話：「田田，阿牧話要同我一齊⋯⋯」然後仲要Tag埋呂爵安社交網，驚死佢唔知道，不過小儀可能驚「神徒」會呷醋，招致「網絡口水大戰」，佢後補話係「影相呀」，但Anson Lo最後竟然喺下面留言話「阿牧參見正印」，力證小儀正印之位，今次唔知係「愛」佢定害佢喇！

其實Anson Lo今日要到電台接受謝茜嘉訪問，所以小儀先可以成功集郵，唔單止小儀瘋狂，係全電台女同事都拎出手機影Anson Lo，森美就影低咗墟冚一刻，留言話：「做咩個直播室門口，咁多女同事，邊個喺裏面，原來謝茜嘉訪問ANSON LO！！！」