黎諾懿出難題！姚子羚同龔嘉欣有晒默契接招

藝人姚子羚出席《2020東京奧運會》記者會，將為賽事節目擔任主持的她，表示尚未獲通知描述哪些賽事，但特別對女排及游泳隊情有獨鍾：「今屆香港游泳隊人才濟濟，有一個好靚仔，同埋之前同劍擊隊喺慈善活動合作過，希望佢哋可以為港爭光。」

談到與好姊妹龔嘉欣合作節目《仨心友行2》，子羚透露共拍了8天，當日更以村姑Look示人：「日日曬到死，室內仲熱過室外，有啲Shot喺玻璃屋入面拍，因為收音乜都要熄晒，現場成40幾度，好熱，好在冇中暑。」更指節目由黎諾懿任監製的真人騷，為增加神秘感，事前根本不知有誰參與，由於與嘉欣用同一位化妝師，才知悉對方有份參與：「我都係好後先知王君馨一齊拍，諾懿每日都畀我哋唔同挑戰，有一日要我哋扮蔬果小姐，佢扮香蕉先生氹小朋友。（同嘉欣已經冰釋前嫌？）從來都冇嘢，係外間講啫，我哋以前又飛過去馬來西亞做節目，所以有晒默契。」