安以軒囝囝2歲生日　廿四孝媽媽打造海洋派對

台灣女星安以軒婚後為老公誕下一仔一女，一家四口相當幸福。近日大仔「66」2歲生日，身為廿四孝媽媽嘅安以軒當然有為囝囝大搞生日派對，雖然因為疫情關係，佢哋未能回台與圈中好友慶祝，但依然精心籌備派對，成個Party以海洋做主題，除咗有貼滿海洋生物裝飾及藍色氣球嘅「打卡位」布景板外，更有鯊魚造型嘅波波池，主人家及一眾賓客均齊齊着上藍色Tee配合海洋氣氛，充滿儀式感，最隆重係「66」揸住私家電動車，載住妹妹出場，十足王子公主一樣。

安以軒留言透露囝囝相當有心，將生日願望送畀所有人：「看着你摟着妹妹的肩膀，好感動，相信你以後一定會後疼愛娃寶，今年你許的願望是『保佑，保佑』，媽媽幫你翻譯一下，『希望疫情快點過去，保佑大家平安健康，我的大寶貝66生日快樂。」