強烈要求拍劇!菊梓喬恨做打女:拍《拳王》應該搵我

20210714
東網電視
更多新聞短片
歌手菊梓喬(Hana)今日(14日)出席新城電台訪問宣傳無綫劇《刑偵日記》片尾曲《不相信別人》,因太多朋友詢問何時才到她的戲份,她索性笑謂自在劇集第二季才出場:「好緊張呀,就嚟到自己角色出場,因為之前都只係客串,今次角色實在好多。(角色有精神分裂?)冇呀,好冷靜但內心有啲陰謀咁。(會唔會同公司要求拍多啲劇?)成日都講㗎,要再等囉,想做啲誇張啲唔好咁含蓄,最想做打嘅,我咁細粒做打戲一定好好睇,我有打泰拳㗎,啲教練都話我咁細隻但又打得好睇,所以拍《拳王》應該搵我嘛,哈哈。」
問她何時舉行演唱會,她表示公司安排中:「何生(何麗全)有講過話下年嘅,但依家太多變數啦,等佢好消息啦。」她又稱現時正準備推出非劇集歌,因大家聽得劇集歌太多:「想慢啲重質不重量去做好每首歌,之前出得太快,試過推出新歌兩個禮拜後啲歌迷就問我幾時出新歌,我覺得要試吓慢慢,睇吓有冇唔同嘅感覺出嚟。」她稱未有留意歌手谷婭溦打空針事件,表示希望她平安無事。