黃德斌簡慕華舉腳贊成開《大叔的愛》電影版

藝人黃德斌與簡慕華在ViuTV熱播劇《大叔的愛》中扮演夫妻又和平分手，而後者則與Stanley（邱仕縉）展開一段姊弟戀，結果相當受落。

有指《大》將會以另一個故事開拍電影版，二人都認為劇中多條感情線尚有發展的空間，直言成事的話相當期待。問到簡慕華會否希望在電影版爭番個老公？她表示於劇集尾聲已交代自己投入另一段感情，至於德斌有否信心追回「田田」Edan，他表示開拍電影版再算，而劇中各角色都為感情而努力。

問到德斌會否因為這套劇的熱爆而多了外快工作，他坦言：「有啲啦，好多都仲傾緊，而目前嘅工作都係早前接落嘅。（多咗hehe粉絲？）咁我又唔知喎，不過都多咗啲唔同嘅觀眾。其實套劇咁成功，都要多謝監製同整個團隊嘅合作。今次拍攝嘅時間其實真係好緊迫，只係拍咗四十幾組咋。」

簡慕華則謙虛表示今次獲得角色，要多謝德斌：「我覺得係因為你，監製先會諗起我。」德斌說：「係妳適合個角色啫，我覺得呢套劇選角真係好好，每個演員都有本身角色嘅影子。」