徐若瑄晒廿年前純情裸照　孖保田圭T-Back當帽戴

台灣一代性感女神徐若瑄當年一脫成名，雖然佢已經極速「從良」，並曾經一度去日本發展，冧盡唔少日本仔！不過大家都依然對佢嘅魔鬼身材為之着迷，今次佢就忽然晒出20年前同日本偶像女團Morning娘前成員保田圭嘅合照，佢哋兩個索爆半裸浸溫泉外，仲玩到將T-Back戴上頭，而徐若瑄更伸手入保田圭衫內扮摸胸，瞓覺時徐若瑄又變樹熊雙腳翹實對方，閨蜜Sweet爆合照令人驚艷，而當年徐若瑄素顏Look純情到爆，簡直就係天使化身！

另外，徐若瑄又「同場加映」保田圭當年同仲係小鮮肉嘅何潤東嘅合照，日系型男造型再現，養眼程度極高，即被大讚咁多年都冇變過。

其實徐若瑄1995年曾到日本發展，佢同保田圭喺1998年一個上海音樂活動認識，仲成為好友，至今已相識23年，2014年徐若瑄結婚時，保田圭都有出席婚禮！