徐若瑄晒廿年前纯情裸照　孖保田圭T-Back当帽戴

台湾一代性感女神徐若瑄当年一脱成名，虽然佢已经极速“从良”，并曾经一度去日本发展，冧尽唔少日本仔！不过大家都依然对佢嘅魔鬼身材为之着迷，今次佢就忽然晒出20年前同日本偶像女团Morning娘前成员保田圭嘅合照，佢哋两个索爆半裸浸温泉外，仲玩到将T-Back戴上头，而徐若瑄更伸手入保田圭衫内扮摸胸，瞓觉时徐若瑄又变树熊双脚翘实对方，闺蜜Sweet爆合照令人惊艳，而当年徐若瑄素颜Look纯情到爆，简直就系天使化身！

另外，徐若瑄又“同场加映”保田圭当年同仲系小鲜肉嘅何润东嘅合照，日系型男造型再现，养眼程度极高，即被大赞咁多年都冇变过。

其实徐若瑄1995年曾到日本发展，佢同保田圭喺1998年一个上海音乐活动认识，仲成为好友，至今已相识23年，2014年徐若瑄结婚时，保田圭都有出席婚礼！