劉威煌開第4間珍珠奶茶店　投資6位數信心十足

歌手劉威煌舉行網上直播音樂會，透露會唱盡70、80年代Rock歌，由Raidas唱到五月天等，擔心體力不夠，因為近年少唱Rock歌，問到可有意夾Band？他笑言：「其實都好多人撩我，但我年紀太大啦，又唔知改咩Band名，唔通改『Old Man』咩，又唔夠MIRROR嚟。」他又透露近來租了間工作室開live直播唱歌：「咁樣就唔使再喺屋企直播，唔使再畀鄰居投訴，唔使唱到11點就冇癮停，可以唱到凌晨都得。」他又坦言今次是與朋友夾份租，故不算太貴，現時裝修了8成，希望下周可以開始用作開Live唱歌。

講到其珍珠奶茶店生意，他透露即將在上水開第4間分店，下月會裝修，預料9月正式開幕，今次是與另一個品牌合作，故他投資了6位數。講到疫情下仍開新店，他坦言：「都係博一博，但我對呢間都有信心，時機都差唔多。」而同場的歌手浠彤表示近日推出新歌《尼格羅尼》。