龔嘉欣裝矽膠假肚　羅天宇：都幾重喎！

藝人龔嘉欣、羅天宇之前於無綫劇集《香港愛情故事》中贏了不少口碑，而之前無綫表示此劇會開拍第2輯，但暫時都未有動靜。不過，不少廣告商睇中呢對劇中CP，更以當中情節發展拍了廣告雜誌《香港愛情故事（番外篇）》。

片中，二人已成為幾年夫婦，懷着數個月的身孕的嘉欣表示：「故事內容係講我哋已經結咗婚幾年，仲有埋BB，我試過用海綿假肚拍嘢，但依家嘅假肚已經像真到用矽膠嚟整，直頭有埋肚臍同重量。」而天宇拎咗個「假肚」試穿，更說：「其實都幾重喎！」期間有天宇陪大肚的嘉欣Shopping鏡頭，拎住一揪二袋的天宇說：「大肚婆我真係未照顧過，但以前都成日同媽咪行街Shopping，屋企以前開餐廳，所以我哋成日都會出去買碗碗碟碟，呢啲拎嘢嘅操重工夫就由我嚟做，難我唔到。」