江美儀揭與吳君祥離婚真相：身份距離步伐不一致

由黎芷珊主持的無綫節目《單對單》最後一集請來江美儀，與大家分享如何好好享受一個人的快樂。江美儀與吳君祥拍拖11年，可惜在2018年二人被爆已分手兩年，其後老爺夏春秋爆出二人早於2006在美國西雅圖註冊結婚，由分手變離婚。

江美儀指離婚原因是因為大家步伐不同：「佢都好大壓力。佢係某某個仔、某某嘅細佬、同邊個邊個嘅男友，佢永遠冇一個好清晰嘅身份。」美儀又謂因工作關係，經常不能陪前夫外出應酬，以致前夫要聽閒言：「可能好小（好似冇乜嘢）嘅一句說話，我覺得佢聽咗會覺得好似我哋身份有距離。」

一個愛熱鬧、愛朋友，一個想愛得浪漫一點，加上生活習慣不協調，令美儀覺得不開心與日俱增，就算雙方曾嘗試挽回，也因步伐差異未能成事：「我見佢冇乜特別行動想箍煲，或者我要求高，我希望佢呢樣嗰樣，可能佢做咗我唔覺，或者唔係我想要嘅，佢有講過話我想佢做嘅嘢，佢做唔到。」

她又指提出回復朋友身份的契機，是前夫到了內地工作後，她發現一個人都可以很開心和自由。問到是否因走在一起的時間長，所以令所有事都理所當然所致？她說：「佢有驚喜嘅，有搵我朋友搞驚喜派對，但我唔係想要呢啲。我想兩個人燭光晚餐，真係頂唔順！」坦言有感到受傷的美儀，對於該段關係卻沒有遺憾：「愛過咪得囉。」縱然受過情傷，美儀說不排除會再尋覓另一半，只是不會再同居：「有鼻鼾點算？又要重新適應過，好似好煩咁。」