李君妍變「亞軍妍」　最唔忿氣輸拳擊賽

藝人李君妍今日（16日）出席《明星運動會》慰勞宴，台上講得獎感言時笑指自己好「專一」，因為參加5項賽事，當中包括拳擊、籃球、羽毛球、4x100及4x400都只獲亞軍。受訪時她指最有信心摘金的是拳擊賽，惟最終敗給關嘉敏：「攞唔到好傷心，所以見到我好唔忿氣。（強項嚟？）全部都之前有玩開嘅，鍾意參加團隊運動多過個人運動，覺得得自己一個玩好孤單、壓力又大，拳擊決賽前一晚我係亂諗嘢瞓唔着。」

講到節目《姊妹淘》突然「摺埋」，身為主持人的她坦言都好可惜，就連Bye Bye都冇機會同觀眾講：「存貨去到今個月23號，我係由第一輯開始做示範Model。（之後會再開番？）未知，冇咗一個女性節目，希望都會開番另一個，其實轉新形式都係件好事，可以多元化啲。」