天不怕地不怕!陳曉華打籃球最怕「高矮二人組」

2021年07月16日 22:04
東網電視
更多新聞短片
前港姐冠軍陳曉華今日(16日)晒腿出席《明星運動會》「獎牌大晒冷」暨慰勞宴,她指有參與籃球及排球2項賽事,更自爆中學是籃球校隊成員,問到參加籃球比賽時誰是最大對手?她笑說是「高矮二人組」鄺潔楹(Judy)及劉穎鏇(Tiffany),但原來她們同隊作賽:「Judy係咁喺我前面跑嚟跑去、又飛嚟飛去,估唔到佢跑得咁快,真係呃到我!而Tiffany真係好勁,但我哋決賽冇得同組。」她指意想不到是,可以於排球賽事攞到牌,笑問是否MVP?她笑指由其他勁人當選,自己掂到波已經好好:「我仲有飛身撲波,都搞到瘀晒!」
講到本屆入圍港姐日前入Camp受訓,Hera直言都好想跟隊:「當年我選嗰陣冇同其他師姐、參賽者住酒店,又冇出埠,如果可以同班師妹一齊去Camp應該都幾開心!(唔自薦去?)開緊劇呀!佢哋一次過成10日,睇吓依家可唔可以Request中途去一、兩日。」有心水佳麗?她謂只有看過首輪面試的相,覺得有幾位參賽者都清純、可愛,但暫未記得名字。