謝霆鋒撞正高竇貓失威　網民等佢出新歌

藝人謝霆鋒平時嘅演藝工作好繁忙，加上佢有「Chef Lemon」呢個身份，近期仲要打理自己嘅菜園真係冇時停。呢日佢趁得閒去咗寵物店逛逛放鬆一下，期間遇到一隻有異色瞳嘅白貓，佢好奇哄個頭埋去睇真啲，隻貓就即刻隔住個籠伸隻手想摸佢塊面，點知到佢想伸隻手摸貓貓時，隻貓轉身走咗去，搞到佢好冇癮，估唔到男神都有失威時，認真唔畀面！

好多網民留言大讚霆鋒好可愛，不過網友就叫佢專心做正職先，原來係一班粉絲好想佢出新歌，希望佢快啲開演唱會畀大家欣賞，所以先至會咁樣話偶像。