潘瑋柏愛美麗　自爆4日瘦10磅重奪男神地位

台灣歌手潘瑋柏一出道就因為帥氣外型被稱為「潘帥」，明明高大靚仔，但近年佢就多次被指脹爆，又多次喺鏡頭面前喪食唔停口，不過粉絲唔使驚，因為佢終於都成功瘦身，喺社交網晒出凹面相，自爆4日瘦咗4.6KG（約10磅），力證「潘帥」回歸！相中見佢面仔瘦足一個圈，又露出久違嘅尖尖下巴仔，就連體型都明顯消瘦，不過佢就冇公開減肥秘訣，瘦身有成仲吸咗3.4萬人畀Like，唔知佢會唔會變番初出道時嘅靚仔Look呢？