叫姜濤約Anson Lo做Gym？網民嬲嬲豬有火藥味

MIRROR成員Anson Lo（盧瀚霆）在劇集《大叔的愛》加持下氣勢迫人，其MV《不可愛教主》推出至今共十日，官方平台錄得的收看次數超過200萬，而他其中一個社交平台的粉絲追蹤人數更超過40萬，拋離社交平台有36萬粉絲的「人氣王」姜濤。

平時少網晒自拍照的姜濤，今日（17日）網晒多張大頭自拍照，並留言：「下班，去運動。」不用兩小時，這個發文已有超過4.7萬個Like，最搞笑的是網民非常眼利，發現他畫了眼線，紛紛力讚：「畫得好靚！好靚仔！」外，又叫他不要透露做運動的地點，以免會被跟蹤。不過有網民留言反問：「有冇約埋Anson Lo一齊做？」立刻有網民畀嬲嬲emoji，明顯有火藥味，連一齊做Gym都介意，似乎Anson Lo和姜濤的粉絲真的敵我分明！