《盛.舞者》操到傷脊椎 陳苑澄最驚冇仔生

20210718
東網電視
更多新聞短片
前女子組合As One成員陳苑澄(Tania)於無綫節目《盛.舞者》中,雖其加入的狄易達隊未能成功打入決賽,但自節目播出後,Tania的舞技一直備受讚賞,甚具實力!Tania回想初初參賽,笑言是「無心插柳」,只是朋友鼓勵下才作嘗試,但當知獲選後,即進入狀態,狂操舞步備戰:「雖然我有舞蹈底子,但都有段時間冇練,唔想拍嘅時候表現唔好,所以要落力去操番。」
由於太過投入操練,Tania坦言比賽前弄傷了脊椎尾骨舊患,令她一度很迷茫:「比賽前突然舊患好痹痛,連踎低都踎唔到,當時真係勁驚,好彩本身都有個相熟嘅中醫,幫我喺尾骨度放咗3日血,之後痹痛亦慢慢消失。」
因當年整親,醫生已指可能對將來佗B會有所影響,如今舊患復發,對於11月便會結婚的Tania來說,可謂驚上加驚,她謂:「之前都冇諗過呢個問題,但依家愈諗愈驚,好彩都冇乜事,慢慢調理番。(未來老公係咪好擔心?)佢之前見我用咁多時間去練習都已經有啲微言,當然亦會擔心我太辛苦,但之後佢都明白我,亦覺得係婚前最後一擊去追夢,所以都由詐型變支持。」
雖然最終未能打入決賽,但Tania直言能夠跟一班舞壇高手作賽,令她獲益良多,亦很感謝狄易達選她為組員,兩人雖已認識多年,但今次比賽令兩人加深認識:「佢(狄易達)原來諗嘢嘅方向同我好似,大家都入行一段日子,亦都為自己嘅演藝事業落力打拚過,都可以話冇乜遺憾,依家最想都係做一啲實事,教導一啲舞壇新血,佢嘅舞蹈學校好成功,我亦都有開班教小朋友,希望為培育舞界人才出一分力。」
Wardrobe:Amelie Street
Hair:Alva Lam@Hair