同鞏俐章子怡差天共地？劉浩存被批冇腦唔識謙卑

獲得大導演張藝謀加持嘅演員，唔大紅都一定大紫，好似鞏俐、章子怡、周冬雨等嘅「謀女郎」咁！而2000年出世、有「新一代謀女郎」之稱嘅劉浩存人紅是非多，除咗負評多多，最近更爆出母親舞蹈學校引致學員癱瘓，有人更直言佢同歷代「謀女郎」差好遠，冇鞏俐嘅氣量、章子怡嘅堅韌，講嘢仲似乎冇腦，又唔識謙虛！

有網民翻出佢喺一啲訪問中嘅表現，有主持問佢如果睇到人留言批評佢會點做，劉浩存表示：「為啥要批評我，我又沒做錯甚麼？」至於親友對佢表演評價如何？佢就直言：「他們說我演得太好了！」又話主要睇正評，咁樣會令佢感到開心，然後覺得誇讚嘅人眼光好好！當被問到對獲獎無數嘅前輩演員張譯評價時，佢表示：「最佩服張譯的便是他很努力…」竟然以「努力」嚟形容前輩，網民都話佢令人有種居高臨下指點對方嘅感覺！

講到佢最大爭議「資源逆天，背景強大」嘅話題，劉浩存就一副無辜眼睛，指一切主要都係靠自己努力得來的！綜合多次嘅訪問表現，令網友不禁留言：「怎麼看着不太聰明的樣子，張藝謀晚節不保呀！」