歐陽震華得170磅自嘲大肚腩：想條腰瘦過陳凱琳

藝人歐陽震華與太太現身美容中心的開幕禮，他表示通過朋友認識美容中心的老闆娘，初見面已被對方指自己個樣日久失修：「我係乜都唔做，沖完涼連護膚乳都唔搽，我以前都做過吓醫學美容，但覺得功效唔大。今次佢哋贊助我，面同頸都做咗啲療程，至少個樣冇咁衰同咁殘。」他指對方要求他減磅，就會邀他做代言人：「我就算減唔到8舊腹肌都要有6舊先得，其實我唔肥，我只係170幾磅，我係個肚腩。」又開玩笑指條腰要瘦過陳凱琳。問到太太會否不想他身材太弗，以免招蜂引蝶？他笑言：「佢驚...死添呀！太太都好勤力做運動，佢一星期做2日運動，主要係拉筋。」