何猷君搞千人慶生P　何超欣谷胸近鏡睇真啲

賭王四房孻女何超欣上月（6月）22歲生日，當時已孖住哥哥何猷君出席生日會，但原來慶祝活動一浪接一浪，近日網上再流出超欣於酒吧夜場開慶生P嘅相片，有指今次派對係何猷君一手包辦，不但包下足以容納千人嘅場地，更安排DJ現場打碟，賓客一邊飲酒一邊跳，氣氛高漲！早前已罕有性感小露線頭嘅超欣，同樣着上黑色超Deep V晚裝裙，今次嚟個谷胸近鏡，勁騷成吋長事業線，身材非常出眾，加上配合紅唇濃妝，盡顯女人味！