【世界級生日禮物】簡淑兒獲麥大力教揸飛機　冧到震

有「宅男女神」之稱嘅簡淑兒（Jessica）尋日（18日）32歲生日，同《衝上雲霄大選》冠軍兼前機師麥大力打得火熱嘅佢，獲送上錢都未必買到嘅生日禮物，就係學揸飛機喇！麥大力喺社交網上載於模擬機艙教女友揸飛機片段，佢細心從旁指導，又用溫柔嘅聲線講嘢！着上短裙晒腿嘅Jessica就好乖咁「上堂」，真係睇到人勁冧豬，個個都留言嗌Sweet，呢份禮物真係世界級呀，今次仲唔係「戀愛30,000呎」？！

而壽星女都有上載慶生相，不過只得獨照，佢獲送上唔同蛋糕包括有好姊妹陳婉衡送嘅，而Jessica都有Tag埋男友，低調地晒愛！