聲夢傳奇︱文凱婷睇好何晉樂:聽到我窒息!

2021年07月19日 19:02
東網電視
更多新聞短片
文凱婷話睇完何晉樂表演,忍唔住嘩咗聲出嚟!
無綫歌唱比賽《聲夢傳奇》今晚(19日)舉行決賽,賽前期餘落選的10名學員,文凱婷(Aeren)、詹天文(Windy)、林智樂(Felix)、張馳豪(Aska)、潘靜文(Sherman)、黃奕斌(Hugo)、林君蓮(Kaitlyn)、蔡愷穎(Lolita)、孫漢霖(Steven)及林沚羿(Venus)現身商場為終極五強拉票,吸引大批Fans到場支持,無綫高層樂易玲都有出席,每名學員即場騷唱功獻唱。
活動後Aeren及Windy孖住受訪,前者早前因為左眼細菌感染而入院做手街,日前播出的半準決賽都要戴黑超上陣,她受訪時大派定心丸說:「好番好多,尋日嗰集都係兩個星期前拍落,康復得七七八八,係仲有啲瘀血,但靠化妝都遮到,可能卸妝唔乾淨。」講到她最後一戰「捧蛋」敗給炎明熹(Gigi),問到會否失落?她大方說沒有不快:「可以同到張敬軒合唱,已經係讚咗,話之佢幾多分!去到半準決賽係超額完成!」決賽看好哪位學員?她自爆想轉軚投何晉樂(Rock)一票:「睇佢綵排係『嘩』咗聲出嚟!係聽到我窒息,好期待佢演出。」
至於Windy表示已投Gigi,讚對方表現由一開始到現在都是最穩定、聲音變化多端,提到她一開首出戰是獲取高分,如今Foul出5強可有心酸?她說起初都有可惜,但之後改變心態,亦戥五強的學員開心,她說:「會諗係自己做得唔夠好,之後會繼續加油。(你同姚焯菲都係好姊妹,唔投畀佢,佢會唔會唔開心?)唔會嘅!我都會支持佢,入到五強已經好勁!」