聲夢傳奇︱冼靖峰奪19盞燈都冇用　姚焯菲炎明熹殺入2強

無綫歌唱真人騷《聲夢傳奇》今晚（19日）於軍澳電視城舉行決賽，由五強學員炎明熹（Gigi）、姚焯菲（Chantel）、鍾柔美（Yumi）、冼靖峰（Archie）及何晉樂（Rock）爭獎，首回合由各學員輪流獻唱。

首個出場的Yumi主唱郭富城的快歌《第四晚心情》，她穿上黑色露腰上衣及短褲邊唱邊跳。導師的衛蘭大讚她的表現令她感到驕傲：「你跳舞時有自信，好享受睇你表演，無論結果點，你喺我眼中贏咗。」江海迦（AGA）就指她揀啱歌，找到合適自己的風格，演出完美！而評審之一的蘇永康表示看到對方進步很大：「我見你仲有時間去撥頭髮，同埋你知道自己聲線嘅優點。」著名排舞師Sunny Wong就讚她以其形式及聲線去創造新的表演方法：「好柔好性感，好特別，最尾又跟番原本個舞步，做得非常好，好滿意。」最後25位專業音樂評審中獲得17位給予綠燈，成績不俗。

而第二位出場Archie就唱孫燕姿的《我懷念的》，他還挑戰高難度一開始自彈自唱，導師泳兒坦言為對方緊張：「係我第一個亦係最後一個帶嘅學生，有好大進步，星味重咗好多，你一定要彈多啲琴，好迷人，我發覺你一開始緊張，你後面愈唱愈好。」林欣彤亦讚他愈來愈靚仔，表演令她跟着對方的呼吸。評審的太極成員雷有輝表示感受到他的熱誠及對音樂的正確態度，太極另一成員劉賢德就讚他演出吸引：「你好識運用單田，控制得好好，目光無法離開你。」最後他力壓Yumi獲得19盞綠燈。

「國民初戀」Chantel以黑白連身裙上陣表演陶喆的《愛很簡單》，導師王灝兒（JW）向她大叫我愛你：「你離開呢個舞台，都係前途無可限量，你好有才能，好多人愛你。」評審伍樂城就認為她開始時唱得較平淡：「後尾先出番啲戲劇性同感情出嚟，可以早啲多啲感情出來。」最後她只獲16盞綠燈，較之前2位學員遜色。

Rock挑戰高難度，獻唱陳奕迅的快歌《衝口而出》，導師周柏豪說：「佢今晚應該都係好緊張，但係佢唔用最強嘅慢歌，竟然唱快，衝破自己嘅舒適圈，已經值得尊敬。」唱片監製陳奐仁則狂踩說：「你一開始已經揀歌揀錯歌，就算你唱得最好都係得Eason 7成，雖然你好盡力咁唱，但拍子、樂隊都跟唔到。」最後Rock只獲得4位專業評審給予綠燈。

壓軸出場的是Gigi，她獻唱辛曉琪的《領悟》，表現平穩，有觀眾更聽到感動到流眼淚。導師Gin Lee大讚說：「唱得好感動，呢首係歌非常難唱，你處理得好好，佢嘅功力，虛心已經喺冠軍。」唱片監製舒文則給予紅燈說：「唔係你最好嘅表現，可能你太大壓力，最尾高音走音唔預期會出現喺GiGi身上。」李志剛則說：「舒文係錯嘅，你表演好好，你嘅表現係150分。」最後GiG獲得17盞綠燈。

第一回合表演中雖然Archie獲得專業評判最多的19盞綠燈，但加上觀眾投票評分後，第一回合總評卻變成Gigi最高分獲得33%分數，第二名則是獲得25%分數的Chantel，兩人最後殺入兩強！