無綫選秀節目《聲夢傳奇》人氣王姚焯菲（Chantel）憑翻唱《戀愛預告》一曲爆紅，獲封「國民初戀」，就連歌手吳業坤都係其粉絲，不但多次公開表白，近日即使佢去到日本採訪東京奧運會，都依然心繫Chantel！

其實吳業坤與藝人周奕瑋（Jarvis）趁奧運開幕前夕，率先去到當地拍攝節目《東京五輪直送》，介紹奧運周邊紀念商品及相關資訊，其中今次東奧都有推出限定嘅郵票及明信片，吳業坤即表示要寄畀偶像Chantel，更立即動筆於明信片上寫上「Chantel」名字及TVB地址，在旁嘅Jarvis即笑指：「你真係做得出㗎喎！」又想一窺明信片內容，吳業坤即怕醜表示：「唔好睇呀，我私隱呀。」