今世無嫁錯畀陳生！符曉薇長文賀陳柏宇38歲生日

歌手陳柏宇太太符曉薇早前於社交網發長文，呻爆老公令她感委屈，甚至直言想離家出走，即引發離婚疑雲。事後符曉薇解釋文章是昔日與老公發生小誤會時寫下，只因開直播時有粉絲問起才公開，而陳柏宇當時亦即寫千字文「悔過書」氹老婆，兩公婆早已事過境遷，強調並無離婚念頭。今日（20日）係陳柏宇38歲生日，符曉薇就於社交網晒出兩公婆甜蜜合照，並留言送上愛的宣言：「你係唯一，唯一長氣，唯一嗌交唔會輸，唯一會扮個囡覆自己信息嘅人，唯一可以對付我嘅男人，唯一了解我嘅男人，唯一寵我嘅男人。之前睇過一個台灣嘅師傅，佢話我哋好多世都係做夫妻，我信㗎，因為同陳生一齊有直到永遠嘅感覺。記得之前發生啲烏龍事同誤會，你一啲都唔怪責我嘅同時仲講：『媽咪唔緊要㗎。無野重要得過我哋嘅感情』，我就知道自己今世無嫁錯畀陳生，I love u！」

而陳柏宇亦有晒出囡囡Abigail嘅成長片段，其中見Abigail牙牙學語學叫爸爸，當問到佢最愛邊個時，佢亦秒答「爸爸」，氹得陳柏宇相當開心。