有汗出冇糧出！余香凝甘願為波士BB打一世工

藝人余香凝今年5月榮升做媽咪，為老公誕下愛女Clare，呢日佢喺社交網大晒湊女日常片段，片中見佢為囡囡戴上黑超、着上西裝外套，化身卡通人物「波士BB」，之後又對「波士」有求必應，換片、唱歌哄睡等都隨傳隨到，佢又留言表示：「自5月開始我多咗個Boss，從此我24小時on call，Boss叫我行東我唔會行西，要換片即換！要聽歌即唱！要飲奶即餵！要氹即抱！就算夜晚無得訓（瞓），就算要抱住行行幾個鐘，就算換片片時又醒多啲Poo喺我手度，就算呢一份工打一世無得出糧都都無所謂，最緊要我Boss開心，佢開心我就開心！」