江嘉敏為新劇減10kg　揚言冇可能減唔到！

藝人何廣沛、江嘉敏在將軍澳電視城宣傳在myTV SUPER搶先播的劇集《食腦喪B》，劇集因戲中演員朱智賢與黎振燁拍攝期間「偷食」一度變成倉底貨。對於劇集重出生天，何廣沛笑說：「唔係好耐啫，預期再耐啲。（有冇諗過冇得出街？）冇諗過，其實後期早排先完成，所以都唔算係倉底貨。（黎振燁宣傳都冇份？）唔清楚原因。（有冇聯絡黎振燁？）不嬲都冇聯絡，同佢唔熟，喺戲裏面對手戲唔多。」

江嘉敏透露最近要為新劇減10kg，現在減了3kg，她說：「冇可能減唔到，新劇要剪短頭髮，依家學緊中國功夫、同吊威吔。」