謝安琪上《Chill Club》被質疑假唱 網民突破盲點

2021年07月20日 19:01
東網電視
更多新聞短片
歌手謝安琪(Kay)日前首登ViuTV嘅《Chill Club》擔任嘉賓,雖然佢嗰晚唔係着黑色長裙,就係着乾濕褸,總之就係由頭包落腳,好似驚錄影廠冷氣太勁隨時冷病咁,宅男期待嘅低胸、短裙一件都冇,不過佢好似開咗個「Kay之夜」音樂會咁,一口氣唱咗7首歌,包括新歌《離不開》、翻唱林憶蓮嘅《燒》、《一人之境》、《雨過天陰》、《3/8》等,仲請咗唱作歌手林家謙作客互唱對方嘅作品,冇視覺刺激,都有聽覺享受。
其實Kay已經有5年冇上電視台做音樂節目唱live,佢以歌會友後,喺社交網好感性咁話:「願我們不論幾歲,也能純熟地緩慢地回味地行過去,平常心境中探取沿路的風呂。」咁歌迷又有咩反應又呢?有網民就喺網上平台留言懷疑佢「造假」:「Chill Club係有autotune過」、「唔係autotune,我諗佢係咪嘴,都幾明顯喎」、「Chill Club個個都live好到離譜!」不過就有大比數嘅網民就為「唱得好就係咪嘴、就係autotune過」嘅Kay平反,還拖話:「咪嘴都唔會咪到有瑕疵啦吓話,聽清楚啦」、「我聽到好大嘅抖氣聲,應該係live嚟」,總算有知音人還佢清白。