34D陳欣茵機心波罅搶焦　36E波波出招抗衡！

無綫節目《#後生仔傾吓偈》的一班主持陸浩明、戴祖儀、馮盈盈、游嘉欣、陳欣茵及黃凱儀（波波）早前出海拍攝，最近節目播出街喇！今次前輩馮盈盈真係輸到盡，包到冚又披圍巾，冇乜睇頭兼有啲老氣！

而一班後生女相當搶眼，玩開口中時都相當落力，當中34D嘅陳欣茵最有機心，佢以鮮紅色一件頭泳衣上陣，大晒3吋事業線，不時有意冇意咁烏低身，搶盡風頭！而向來上圍Big爆嘅波波今次就玩肚兜誘惑，但就收埋36E導彈胸，相當可惜，不過大敵陳欣茵當前，波波都出招搶番焦點，玩遊戲時唔小心跣親，吸引眾人目光！