又去冰島！梁芷珮遊火山歎溫泉比堅尼上陣

憑主持旅遊節目成功入屋的藝人梁芷珮，在疫情下餓了旅行多時，早前冰島開通，她和老公立即出發，並已身在冰島，網晒多張比堅尼，勁騷fit爆身材，睇見都開心，她說：「嚟咗冰島第四日，呢度自由通行免隔離開放畀旅客，旅客都多，但好安全，因為地方好大。」

她本身去過冰島幾次，都是在冬季，現時當地正值夏季，不過夏天氣溫亦只有8至14度，故她都要穿上外套和戴帽。雖然預計在當地逗留20日，但他們頭幾日已經溫泉和看火山等名勝，每日行程緊密，她說：「火山3月開始爆緊，我哋原本行完，當時未爆，點知導遊後來話爆緊，我哋即刻揸車去睇，影到爆呀！」她指此行每個點都要行很遠路，行火山行了兩個多小時，往天然溫泉亦走了個多小時，笑言行到瘦晒，她大讚天然溫泉靚到不得了，感覺好值得。她說完成冰島拍攝後，會經芬蘭轉機返港，暫未知要隔離幾多天，她說：「因為成日變，但我哋自己都預咗自行隔離7至14日。」