孖陳敏之大講有味笑話 伍詠薇寧願揀「波大無腦」

2021年07月21日 09:04
東網電視
更多新聞短片
藝人陳敏之正式開設個人社交頻道,首集更請來認識了19年的「家姐」伍詠薇擔任嘉賓,二人大談當年初相識經過,期間,向來說話大膽的伍姑娘更大爆「細佬」陳山聰大J。二人Chit Chat時,敏之大爆伍姑娘怪癖,指她平時不會過海、不出街,伍姑娘笑謂:「除非有錢搵,如果唔係我都唔會過海。」
之後兩姊妹齊齊玩遊戲,敏之問對方要「靚仔」還是要「大J」,伍姑娘即謂:「我要大J!」敏之即怕怕說:「我好驚咁大囉!好痛呀大佬!」伍姑娘笑指如果遇細J到時,敏之只會扮叫,她謂:「細J!乜嘢時咪扮叫囉!你扮叫囉!我感應到你係扮叫,除咗你老公之外,咁咪穿插空氣咁!」之後敏之又叫她於「波大無腦」及「平胸有腦」之間作選擇,,伍姑娘唔使諗就話:「波大無腦!因為我未享受過嘛!(你依家都大呀!OK呀!)我年紀大咗嘛!變咗木瓜胸,好在我肚臍生得低咋!」
二人又回憶相識於2002年台慶綵排中,伍姑娘指敏之當時着住淺藍色衫,戴着太陽眼鏡,她謂:「我心諗!八婆,遲到!我都未遲到呀!」她又指自己於1997年拍劇時認識陳山聰,及後3人於她家搞上契儀式,伍姑娘突然忽發奇想:「點解我冇搞過陳山聰?上契前?佢話佢大㗎喎!(邊有男人話自己唔大㗎?)我信佢,佢係我細佬,我冇除過佢條褲㗎,有人唱番出嚟!嗰陣佢未結婚!」敏之狂笑謂:「吓!你連人哋啲對手都識呀?」