【醜女大翻生】韓妹整容縮下巴 激似岑麗香Mix沈月

2021年07月21日 10:02
東網電視
更多新聞短片
ViuTV早前嘅選美節目《造美人》引起唔少熱話,其實喺出名整容技術高超嘅韓國,一早已經有個「醜女大翻生」嘅整容節目,一班素人攞正牌整容,而當中被稱為最成功嘅參加者整容後更變成有「香香公主」之稱嘅岑麗香添!
1993年出世嘅許譽恩天生下顎向前突出,除咗無法正常咀嚼食物,長年更受消化不良困擾,更因此受到欺凌,令佢非常自卑,甚至想過自殺,而節目組就為佢免費提供整容手術,佢嘅面容180度大改變,下巴足足縮短23cm,似足翻版岑麗香,睇睇吓仲似一代女神邱淑貞大女沈月,震撼程度仲一度上埋新聞!
成功脫胎換骨後,佢充滿自信,終於敢露出笑容,而且事業愛情兩得意,唔只有自家網店,仲做埋購物網站模特兒、出演電視劇,又做埋KOL,拍片教化妝、分享美食,社交網追蹤人數高達1.2萬,佢不時大晒同男友嘅Sweet爆合照,真係唔敢想像原來佢有個咁嘅過去!不過唔好以為佢人生再冇牽掛一切順利,因為佢有個患大腦麻痹症嘅細佬,雖然男友表示會同佢共同照顧,但許譽恩亦感到好抱歉,網民都紛紛送上祝福,為佢哋打氣呀!
---------------------------------------
世事如棋局局新,娛圈熱話數之不盡,唔想Out、唔想同班Friend冇話題?就一定要留意繽FUN專題嘅「熱話」喇!