【丑女大翻生】韩妹整容缩下巴　激似岑丽香Mix沈月

ViuTV早前嘅选美节目《造美人》引起唔少热话，其实喺出名整容技术高超嘅韩国，一早已经有个“丑女大翻生”嘅整容节目，一班素人攞正牌整容，而当中被称为最成功嘅参加者整容后更变成有“香香公主”之称嘅岑丽香添！<br/><br/><br/>1993年出世嘅许誉恩天生下颚向前突出，除咗无法正常咀嚼食物，长年更受消化不良困扰，更因此受到欺凌，令佢非常自卑，甚至想过自杀，而节目组就为佢免费提供整容手术，佢嘅面容180度大改变，下巴足足缩短23mm，似足翻版岑丽香，睇睇吓仲似一代女神邱淑贞大女沈月，震撼程度仲一度上埋新闻！<br/><br/><br/><br/><br/><br/>成功脱胎换骨后，佢充满自信，终于敢露出笑容，而且事业爱情两得意，唔只有自家网店，仲做埋购物网站模特儿、出演电视剧，又做埋KOL，拍片教化妆、分享美食，社交网追踪人数高达1.2万，佢不时大晒同男友嘅Sweet爆合照，真系唔敢想像原来佢有个咁嘅过去！不过唔好以为佢人生再冇牵挂一切顺利，因为佢有个患大脑麻痹症嘅细佬，虽然男友表示会同佢共同照顾，但许誉恩亦感到好抱歉，网民都纷纷送上祝福，为佢哋打气呀！<br/><br/><br/><br/><br/><br/><br/><br/>---------------------------------------<br/>世事如棋局局新，娱圈热话数之不尽，唔想Out、唔想同班Friend冇话题？就一定要留意缤FUN专题嘅“热话”喇！