黃奕晒婚紗照揭兩度離婚原因　關拍戲事？

喺《還珠格格》第3部演「小燕子」而走紅嘅內地女星黃奕，曾經歷過兩段婚姻，不過最終都係離婚收場。呢日佢喺社交網晒出再嫁衣嘅照片，化上濃妝，一身白裙配烈燄紅唇，明艷照人非常搶眼，正當粉絲留言恭喜時，佢就解釋係拍緊戲，並留言：「老是要嫁人，怪不得這事不靠譜。」字裏行間似乎對婚姻已經徹底失望！

佢第1婚姻由相識到離婚都唔超過1年時間，而第2段就更加大件事，離婚之後同前夫黃毅清為咗囡囡嘅撫養權、探望權及出軌等問題一直隔空開火，事件搞足幾年咁耐，持續不斷嘅爭論除用咗好多時間之外，亦對佢嘅事業做成嚴重打擊，近年先至「復出」幕前，佢仲話過依家唔期待愛情，會專心照顧囡囡先。唔少網民留言替佢打氣，祝福佢終會搵到更好嘅歸宿。