孫耀威持槍指嚇店員搶金條？網民斥教壞細路

歌手孫耀威（Eric）近年將重心轉移到內地，撈得風生水起嘅佢，有指開直播齋唱歌兩粒鐘就穩袋過百萬，加埋商演拍劇真係賺到笑！但係喺網上流傳幾張閉路電視所影嘅截圖，見一男子疑持有手槍類物體指嚇金舖店員，最後搶去大量金條，而呢個男子仲標明係孫耀威！

查番佢嘅社交網，原來啲截圖係出自一條宣傳直播片段，講佢衝入金舖揸住「風筒」問店員邊度有插頭，等佢可以吹番個靚髮型，跟住話肚仔餓，叫店員畀啲「金條」朱古力佢食醫肚，仲話食飽之後就有力氣開直播。好多粉絲留言讚佢好有創意兼搞笑，不過亦有網民指呢種宣傳手法似乎過火咗，有教壞小朋友之嫌。