張致恒浪子回頭做好男人 老婆生日晒溫馨

2021年07月21日 13:07
東網電視
更多新聞短片
藝人張致恒(Steven)近年被公開追債,為了償還沉重債務,不惜北上登台搵真銀,長期與太太區燕雯及兩個兒子分隔,最近返港後更瞓身搵錢,參加林作與鍾培生的「百萬擂台戰」,首次上擂台打拳賽,認真「搵命博」。
最近積極練拳嘅佢都依然心繫家人,呢日就為老婆慶祝30歲生日,佢喺社交網大晒一家四口合照,見佢哋兩公婆分別抱住兩個囝囝,畫面溫馨,而佢除咗準備壽桃包外,亦有珍寶珠造型嘅生日蛋糕,非常有心思。佢又留言表示:「終於30歲生日啦老婆,希望你身體健康、開開心心、無憂無慮,我會盡我一切嘅努力守護呢個屋企!我愛你!」