原來香香係鏡粉！細仔開胸「土豪」造型抄MIRROR？

藝人岑麗香今年5月宣布誕下細仔「小腰果」，再度榮升媽咪，現時專心於家中休養及照顧小朋友嘅佢，不時都於社交網分享囝囝嘅生活片段，呢日佢就一邊聽歌，一邊幫瞓喺BB床上嘅細仔郁吓手仔做運動。之後，佢更幫「小腰果」換上另一套造型，見BB戴上黑超、超粗金鏈，再着上白色西裝外套配白色長褲，入面就真空冇着上衣，十足「小土豪」一樣，相當搞笑。而最特別就係，片中嘅背景音樂竟然係人氣男團MIRROR嘅歌曲《The Beautiful Game》，原來香香都係「鏡粉」！