奧運開幕禮激戰！兩大視帝+聲夢VS MIRROR ERROR合體

奧運開幕禮本月23日舉行，香港3間免費電視台屆時都會做直播，電視大戰一觸即發，TVB同ViuTV分別出招搶收視！

TVB當日會舉行直播活動，眾多一線小生花旦齊集奧海城，好似視帝陳豪同埋王浩信，仲有胡鴻鈞、黃翠如、陳敏之和朱晨麗等人！而西九藝術公園都會舉行奧運活動，仲會邀請《聲夢傳奇》嘅學員出席，如人氣王炎明熹同埋姚焯菲等，相信會吸引唔少粉絲到場！

而ViuTV方面，就派出兩大人氣組合MIRROR同ERROR，出席屯門市廣場舉行嘅活動，MIRROR每次出席活動，粉絲都會迫爆成個商場，今次仲要加埋ERROR，迫爆嘅畫面相信會更可怕！

另外，有線同開電視節目《2020東京奧運開幕典禮》會請嚟滑浪風帆金牌得主李麗珊、黃德森同黃金寶任直播開幕嘉賓。