音樂會現黃牛飛　周國賢：仲有原價飛賣！

剛升呢做影帝的周國賢將於下周六（31日）假主題公園的室內場舉行音樂會，近日網上出現「炒黃牛」情況，劃一收費的680元門票被炒高超過一倍，變成1,507元至1,854元不等，他接獲歌迷投訴後表示：「我同公司係好反對『炒黃牛』呢啲情況，所以希望歌迷唔好助長呢啲不法行為。」

他又指出現炒飛問題，跟歌迷誤會以為門票售罄有關，他說：「因為今次音樂會有同贊助商合作，只要玩遊戲勝出者就可以攞到免費，但可能啲歌迷以為贊助商嗰個遊戲截止，就以為啲飛冇晒，所以就有不法之徒將啲免費遊戲飛高價出售，其實我個騷仲有原價飛買嘅，所以歌迷千祈唔好上當。」