貌合神離︱何超蓮竇驍行到離行離列爆冷戰？

賭王三房千金何超蓮自與男友竇驍拍拖以來，感情好到不得了，成日孖公仔出巡，仲一齊玩真人騷，見親面都如膠似漆。但日前有多口網友去超蓮社交網留言，寸佢同竇驍遲早會分手，搞到超蓮同網友打賭：「我就不分。」

雖然佢哋打風打唔甩，但人言可畏，近日有網友就捕獲到兩人現身機場，大晒美腿嘅超蓮同竇驍一前一後咁行，冇乜親密動作，有啲貌合神離，有網友話感覺到兩人好似面燶燶咁，仲問佢哋係咪冷戰緊定耍花槍！