向男友預告「出軌」 李靖筠處女床戲嗌緊張

2021年07月21日 22:06
東網電視
更多新聞短片
歌手李靖筠(Gladys)推出新歌《像極了愛情》,是落力打造愛情故事系列三部曲的頭炮,三部曲主題以旅行故事講女生出軌,首部曲是拍拖去旅行,但總覺得缺少了愛。今次他們更破天荒一次過拍晒3個MV,當中大玩三角戀,她表示:「我覺得好刺激,因為冇乜機會演呢類型角色,呢個故仔雖然好似好誇張,但其實好真實,愛情並非黑同白,總有啲嘢係理性好清楚應該咁做,但感性就控制唔到。」
現實中未試過三角戀,問到可接受?她坦言:「我成日覺得出軌係選擇,可能我真係好細個時會對其他人有感覺,但一諗到唔想傷害我身邊最鍾意嗰個就冇下一步,動情個個都會,但行唔行出嗰步係選擇,同埋我好怕有手尾,如果捲入呢啲關係,應該好多嘢煩,要處理A君同B君嘅情緒,仲要處理我嘅時間,幾忙呀,真係好攰㗎!(你同咗依家男友一齊之後有冇對其他人動情?)梗係冇,好忙呀,同埋呢個圈太細,全部人都識。」她又笑言與男友會互相嫌棄:「佢成日講笑,話『你真係好煩,如果你唔同我一齊,都冇人會要你囉,好彩我硬食』,我哋會互相笑對方,跟住我話番佢『你以為你好易搞呀?你都好煩,如果你識咗第二個先知我對你幾容忍』。」
而MV中她與朱栢康及林家熙大玩三角戀,更與前者上演親熱戲,對於獻出首次床戲給對方,事前不認識對方的她坦言:「好緊張、尷尬,因為好多人,但係新嘗試,同埋朱栢康好好,佢同我事前好多溝通,最緊要對方冇覺得有啲咩,令我舒服好多。」她表示拍MV前都有問男友意見,又笑言男友睇後覺得「冇料到」:「佢話『又話好多床戲,點知得咁少』,佢想睇吓我做得啲咩,我都開心我男友咁open。」
講到MV最盡只穿背心上陣略嫌密實,她笑言:「因為未去到咁嘅必要,驚畫面上太多嘢會分散大家聽歌。(你底線係咩?)如果電影底線可以低啲,可以齋着bra嘅,露背都得,但露點一定唔得。」
場地:土生花 Soil to Soul