純情女優 10周年搞眾籌

2021年07月21日 23:00
東網電視
更多新聞短片
唔經唔覺,原來前田美里已經出道10年喇!(互聯網)
呢期嘅新聞無獨有偶,兩單都同手指有關,而且跟男士有切身關係添!另外,日本有純情系寫真女優為推出10周年寫真集搞網上眾籌,唔知大家有冇興趣呢?
目標金額$17.5萬
日本有唔少純情系嘅寫真女優,其中就有呢位今年25歲嘅前田美里。為咗慶祝出道10周年,佢早前聯乘日本雜誌《FLASH》,喺日本眾籌網站為出道10周年寫真集進行眾籌。
美里表示,雖然佢早喺15歲已經出道,但卻發現原來自己從未推出過寫真集,而每當睇到唔少女優偶像推出寫真集時,內心總會有點遺撼,因此就決定喺出道10周年呢個日子,推出寫真集作為紀念。憑住佢喺日本寫真界嘅人氣,眾籌計劃甫推出,便獲得超過59萬日圓嘅資金,睇嚟到8月底嘅眾籌限期前,目標金額250萬日圓(約HK$17.5萬元)應好快達成喇!
日男指入染性病?
如果唔知乜嘢叫「指入」,只要上網搵吓「加藤鷹之手」就會明白晒!提起「指入」嘅原因,係因為早前日本有位男網民,因為玩「指入」玩到感染咗性病。呢位叫「Saico Nanpa」嘅網民聲稱,喺前一晚跟女伴玩「指入」遊戲時,第二日手指及手掌變得紅腫及刺痛,而紅腫範疇更隨住手臂,經腋下蔓延至下巴!之後佢去醫院檢查,醫生稱是感染性病,而佢喺貼文中稱,以後唔敢再將手指放入女伴嘅蜜洞。
雖然佢圖文並茂,但有網民卻質疑事件可信性,亦有網民解釋若然手指有傷口,真係有機會感染性病,故此要玩「指入」最好用上手指安全套。
指長比跟兵器無關
乜嘢叫「指長比」?即係無名指比食指長咁解。原來外國人相信,男士嘅無名指比食指長嘅話,兵器亦會較長,愈長兵器相對更長。俄羅斯國家研究大學高等經濟學院(HSE)嘅科學家便對此進行研究,搵嚟7,500名男士作為研究對象,結果發現指長比跟陰莖長短,兩者之間並無任何關係,情況等同有外國人深信,腳掌愈大兵器愈長嘅講法一樣,均係無科學根據。
咁兵器長短又同乜嘢有關?研究團隊嘅科學家Marina Butovskaya表示,兵器長短係跟遺傳及特定環境因素有關,當中嘅環境因素包括飲食及壓力等,均會為男士兵器長短造成重要嘅影響。