為咗贏不擇手段 甄子丹謝霆鋒砌槍出蠱惑!

20210722
東網電視
更多新聞短片
藝人甄子丹同謝霆鋒出名工作認真,但原來玩起上嚟,係非常調皮嘅!日前,佢哋合體玩裝槍大比併,雖然只係砌玩具槍,但都激發出佢哋嘅好勝心,為咗贏仲可以不擇手段。
霆鋒先嚟發功,佢靜靜雞收埋啲組件,仲好勁咁以為冇人發現,但其實子丹非常機警,眼尾望到霆鋒鬼鬼祟祟,子丹即時唔執輸,趁霆鋒唔覺意,一嘢丟走霆鋒嘅組件,果然醒目!見到霆鋒即時衝去搵番個組件,子丹都心滿意足,笑笑口係度諗:「?仔,同我玩嘢?」
最後,佢哋終於肯認真砌槍,砌完之後仲Chok爆舉槍指住對方,真係型到冇人有,兩人仲戲精上身,霆鋒勁型仔咁話:「哪個做錯了,老天爺都不給面子!」子丹就Man爆回應:「我們當警察的,哪怕那麼多?」網友睇完片,都好期待佢哋喺電影中嘅演出!